|
яҳудлардан бир гуруҳи олимлари ёки бошқалари Аллоҳнинг каломини Мусо а.с.дан бевосита эшитиб туриб, бошқаларга уни атайин ўзгартириб етказардилар. Шунинг учун Тавротни бевосита Мусо а.с.дан эшитмаган кейинги яҳудларнинг уни ўзгартиришлари табиий бир ҳол эди. Ўз пайғамбарларигаки, шундай муносабатда бўлганларидан кейин уларнинг пайғамбаримиз Муҳаммад с.а.в.га имон келтиришлари, у киши Аллоҳ Таоло томонидан олиб келган аҳкомларни тасдиқлашлари эҳтимолдан узоқ эди.
أَفَتَطْمَعُونَ أَن يُؤْمِنُواْ لَكُمْ
(Уларнинг имонга келишларига орзуманд бўласизми).
Яъни, уларнинг тасдиқлашларидан ҳеч қандай умид. (الطمع ) сўзи аслида дилнинг бирор нарсага қаттиқ осилиб олишини англатади. У умид қилиш (الرجاء ) сўзидан кўра кучлироқ маънони билдиради. Бу ердаги истифҳом сўроқ истинкорийдир.
Кейин Аллоҳ Таоло Пайғамбар с.а.в.га асрдош бўлган яҳудларнинг яна бир янги аҳволини баён қилди. Улар Исломга қарши турли найранглар ўйлаб топадилар. Улардан бир гуруҳи мунофиқлик билан ўзини мусулмон қилиб кўрсатади. Пайғамбар с.а.в.ни Тавротда тавсифланган ўша пайғамбар, деб эътироф этади.
Бундай йўлни тутиш улар учун бир томондан хавфли бўлса ҳам, мусулмонларнинг ичига, ишончига кириб олиш учун шу ишни қиладилар. Ичга кириб олганларидан кейин эса Исломга қарши найранг ишлатишлари анча осонлашади.
Бошқа бир гуруҳи эса мусулмонлар олдида ҳақиқатни айтишга бу иш кифоя қилмайди, деб билади. Бу гуруҳ Пайғамбар с.а.в.нинг ўша Тавротда тавсифи келган башорат қилинган пайғамбар эканлигини, бир сўз билан айтганда, ҳақиқатни айтиш ўта хатарли иш, деб ҳисоблайди. Чунки мусулмонлар бу нарсани уларга қарши ҳужжат қилиб ишлатиб қолишлари мумкин. Тўғри-да! Ўзларининг Тавротида тавсифланган пайғамбарга қандай қилиб имон келтирмаслик мумкин? Шунга кўра, ўзлари холи қолган пайтларида бир-бирларини маломат қиладилар.
أَتُحَدِّثُونَهُم بِمَا فَتَحَ اللّهُ عَلَيْكُمْ
(Аллоҳ сизларга очган нарса ҳақида гапиряпсизларми?). Яъни, Аллоҳ Ўзининг китобида сизларга нозил қилган Муҳаммад с.а.в.нинг сифатлари, у кишининг бутун оламга юборилган пайғамбар эканликлари ҳақидаги гапларни. Бу ишлар одамларни Исломдан буриш учун қилинган найранглар эди.
130-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204